نعم...ممكن تعيش من غير عيش

 بالعامية المصرية علشان الناس اللي بتفرهدني كل يوم و حاسة إن حياتها حتنتهي لو بطلوا يأكلوا عيش و رز و مكرونة !!!
أحب أقولك ..لا ..هي حياتك اللي حتنتهي لو فضل سكرك عالي و مش عارف تتحكم بيه.... أبسوليوتلي ..
عدم التحكم السكر بيدمرك من جوه بأفظع مما تتخيل و بشكل ممنهج و مستمر طول ما هو عالي.
ما فيش نسيج و لا عضو في الجسم ما بيتأثرش سلبا بعلو السكر المخ و القلب و الأعصاب و الشرايين و الجلد و الأطراف و العين و الكلي و القدم و الحياة الجنسية و الهضم (تأخر الهضم) ..كل شئ
إيه العيش يعني!!  اللي الهندسة الوراثية لعبت فيه بشكل قبيح و فج فخلوا الجلوتين فيه 40 ضعف الجلوتين الطبيعي و الجلوتين مسؤول عن معظم أمراضك المناعية و حساسية القمح و خرم جدار الأمعاء Leaky guts و مشاكل الغدة الدرقية و بلاوي تانية ما لهاش عد ، ده غير الأمراض المعرفية مثل الزهايمر و الشيزوفيرينيا و الدمنتشيا و   و   و ... حتي الصرع بيمنعوا عن مريض الصرع Epilepsy الكربوهيدرات و القمح تماما و بيتحسن حاله جدا جدا و ده شئ طبي معروف الآن.
الجلوتين و الجلوكوز الأثنين جلو GLU  صمغ يعني بيلزق في شرايينك الضيقة و يسدها و بعدين ترجع تقول سكري مش مضبوط ليه
ممكن نصف رغيف ؟؟؟!!!
ده سؤال بيتسال لي 100 مرة في اليوم ...طيب أحسن تقولي ممكن آكل 10 معالق سكر لأن الرغيف ده فيه 80 جم كربس و ملعقة السكر فيها 4 بس ..إيه رأيك بأه ..تقدر تسأل كسكري ممكن آكل 10 ملاعق سكر !!

ما فيش نصف رغيف و لا ربع رغيف و لا شئ - ده اكل طعام إدماني بيطلع مواد أسمها Exorphine يتلعب في أماكن الرضا و المتعة في دماغك و تخليك تدمنها ..الأطعمة دي سعرات فاضية لا قيمة لها ..
كل الجلوتين اليل في القمح مسؤول عن حاجات كتير أنت بتحسها بس مش واخد بالك إيه السبب زي الأنتفاخ الأمساك الأسهال الغازات القولون العصبي ..جرب شيل الجلوتين شيل القمح و شوف الفرق في حياتك.

حأسألك سؤال:
ممكن تأكل 3 معالق دقيق لوحدهم و لا أرز لوحده من غير إضافات و ملح و فلفل و زبدة و غير ه من مكسبات الطعم و الرائحة ..مستحيل.. حتي حاسة التذوق عندنا لا تتذوق الدقيق كما يقول د. روب تومبسون في كتابه The  Glycemic Load starch Diabetes solution 
إنما ممكن تأكل الخيار أو الطماطم أو الكرنبيبت أو الكرنب أو البروكلي أو الجزر أو أي خضار كده عادي من غير أي إضافات
حتستطعمه حتي السمك في اليابان و الجمبري و طعام البحر يؤكل هكذا و تستطيع إستطعامه بسهوله لأنه طعام حقيقي

النشويات كلها من الدقيق و الحبوب المكررة ليست طعاما حقيقيا بل هو طعام مصنع و مكرر و منزوع القيمة حتي الأسمر مصنع  و لعبت به الآلة الجبارة الصناعية كما يقول د. ويليام ديفيس في كتابه Wheat Belly الأسمر يرفع سكرك مثله مثل الأبيض تماما و لهم نفس الحمل الجلايسيمي.

قلت مراراً و أكرر  لو أنك شخص وزنك 80 كجم تقريبا فإن رغيف الخبز اللي وزنه 160 جم به 80 جم كربوهيدرات و يرفع سكرك  400 مجم /دل !!!!! نعم 400 أي أنسولين حيضبط معاه ..يعني لو أنت قاعد مبسوط و بتأكل باه و فول و فلافل و جبنة قريش و ..و ... يبقي رغيفين أقل حاجة و يبقي أنت كده بتعلي سكرك 800 فوق اللي أنت أصلا عليه. أي أنسولين سيغطي هذا و إن غطي كيف سيضبط السكر  بعد 4 ساعات يمكن يضبط و لكن الضرر حصل خلاص في هذه الأربعة ساعات..

جرب كل ربع فرخة و سلطة و خضار و ضع 3 معالق زيت زيتون علي السلطة و شوف حتشبع ة لا لأ ...جرب
طلع من مخك إنك مش حتشبع إلا بالعيش!! غلط ..
زي ما قلت لك قبل كده ، أنت ممكن تأكل 5 كرواسانات و ما تشبعش ..إنما شوية خضار و ربع فرخة و ملعقة زيت جوز هند حتشبعك لأنه طعام حقيقي مشبع و بيملا.
السكر يا سكري هو اللي بيحركك ..الأكل اللي تضبط به و تشوف قاسه ممتاز علي جهاز قياسك ، توكل علي الله و كله و غير كده يبقي ما فيش فايدة و لكن بتجارب السنين لي و لغيري ممن رايتهم و ممن قرأت لهم ..النوع ده من الأكل مستحيل تضبط بيه السكر ..مستحيل.

طيب اعمل إيه

1. الأرز و المكرونة و البطاطس و الخبز....جلوكوز في دمك في دقائق ..جرب كل و قيس و شوف
2. الفاكهة كل منها بإعتدال خليك في الفراولة و التوت و الفاكهة قليلة الحمل الجلايسيمي و مش أكثر من واحدة حجم كبير زي التفاحة علي مرتين يوميا بالكتير أو 2 أو 3 يومياً حجم صغير مثل المشمش أو البرقوق ..ما تروحش كارفور و تشتري بجنان فاكهة و تقعد تندب حظك لأن مش ده الطبيعي ..بل الطبيعي إن الفاكهة دي كلها مستحيل تتجمع في مكان واحد ..فكر
3. سكرك علشان تتجنب اللي ممكن يعمله فيك لازم يبقي تحت ال 110 أبوس إيدك . أنا مخلص و بأقول لك اللي مش حتسمعه من غيري ...و إلا ما فيش فايدة أبدا
4. الفول خف منه لأن فيه كربس عالي
5. كل خضار و لحم و دجاج و سمك و سلطة و دهون زي السمنة الطبيعي و الزبدة الطبيعي و زيت الزيتون و زيت جوز الهند (رائع) و الزيتون و اللحم بدهونه ذو المرعي الطبيعي و الأفوكادو و المكسرات بإعتدال (ملء الكف علي مرتين يوميا)
6. أخترع بيتزا و خبز و أكلات علشان تنوع  ,,أنا عملتهم لك علي صفحة أنا سكري I am Diabetic و سهلت لك الدنيا. حتي الحلويات عملناها من تشيز كيك إلي تارت.
7. أبعد عن الدهون اللي حتدمرك زي الزيوت النباتية مثل زيت الخضار و الذرة و عباد الشمس و غيرهم  و هي الدهون المتعددة الغير مشبعة Polyunsaturated fat
8. كل بروتين بإعتدال حولي 0.5 إلي 0.8 جم بروتين لكل كجم من وزنك يعني لو وزنك 100 كجم إذن كل من 50 إلي 80 جم بروتين ..مثلا البيضة فيها 6 جم بروتين و 100 جم لحم فيهم 20 جم بروتين ..
9. أبعد عن العصائر بسكر أو من غير و أبعد عن الصودا و أعمل عصيرك الصحي أنا باعمل الآتي علي الفطار: 3 فراولات و ماء و ربع ثمرة أفوكادو و في الخلاط و عليهم فنجان قهوة كريم
10. أما الجلوتين لو كلمتك عليه حترمي كل القمح من البلكونة الآن أقرأ لو أحببت Grain brain and Wheat Belly
11. جرب كل دهون كتير و بروتين وسط و قليل من الكربوهيدرات و أنت ستشبع و ستحمي نفسك من البلاوي اللي بيعملها الجلوتين و الجلوكوز في الأنواع دي من الأكل الغير طبيعية.
12. حاول تلاقي مصادر طبيعية نظيفة للأكل و الخضار و اللحوم حاول.
13. جيب كتاب من اللي قلت لك عليهم و بأقول عليهم و أقرأ سيبك بأه من الكلام المسوس البالي بتاع أخصائيين التغذية و الدكاترة اللي العلم أتغير عليه 3 مرات و هم لسه هناك محلك سر بيجربوا فيك كل وسائل التخليص عليك بدري...الله المستعان.
    ما تسالنيش تاني ممكن ربع رغيف و لا 3 ملاعق رز ..أنت حر ..كده الموضوع واضح جدا..

أنا خايف عليكم ..
السكر لو ما أتضبطش لا يرحم
ألا هل بلغت اللهم فأشهد ...