ليه سكري ملخبط

المقالة دي بالعامية المصرية...

لمن يشكون دوما ليه سكري عالي علي طول أو عالي ثم نازل أو نازل علي طول ...هذه أهم اﻷسباب اللي لو ضبطتها حتضبط كل حاجة في سكرك...

فكر معاي لو سمحت:
إذا أكلت مثﻻ 150 جم كربس في الوجبة الواحدة و كانت أ . ك عندك 1 : 5 و كان كل جرام يرفع سكر دمك 4 مجم /دل و كان سكرك قبل اﻷكل 100
معني ده إن سكرك المفروض حيبقي 100 + (150 × 4) = 700 !!!  
و لكن معامل تصحيحك 1 : 20
هنا المفروض تحقن 30 وحدة أنسولين 150 / 5 = 30
و بما إن معامل تصحيحك 1: 20 فكده بعد الحقن المفروض تنزل 600 و تبقي 100 بعد اﻷكل...

فكر معايا....
لو....
لو حساب الكربس غلط (أعلي أو أقل)
أو حساب جرعة اﻷنسولين غلط (أعلي أو أقل)
أو حساب توقيت الحقن غلط (قريب أو بعيد)
أو إفتراض وقت الهضم غلط

حيحصل لك حاجة من اللي جاي:
يا سكرك حيبقي عالي أوي و حتهبط لو حقنت متأخر أوي قرب اﻷكل و الهضم كان سريع.
يا سكرك حينزل أوي ثم يعلي لو حقنت قبل اﻷكل بمدة كبيرة و الهضم أتأخر شوية.
يا سكرك حيبقي عالي أوي و مش حينزل لو حسبت عدد جم الكربس أقل من الحقيقي أو حسبت اﻷنسو المطلوب أقل
يعني بإختصار كلما زاد المأكول من الكربس في الوجبة الواحدة زاد بالتالي المحقون في المرة الواحدة كلما كان إحتماﻻت الخطأ كثيرة و كان الخطأ نفسه كبيرا....

جرب بأه الوجبة ما تزيدش عن 30 الي 40 جم كربس و من النوع الجيد...حساباتك حتبقي أسهل و أسرع و أدق......و الخطأ حيبقي صغير و إحتماﻻت حدوثه أقل.....حقنك لﻷنسولين أقل......حساسيتك لﻷنسولين حتزيد.......أرقامك حتتحسن جدا و لحظيا......و بعدين حتدعي لي بالخير لما ده يحصل...

تعمل إيه..
أبدأ ب 120 جم كربس يوميا علي 3 وجبات و 3 سناك ...30 جم في كل وجبة و 10 في كل سناك و حتشوف العجب
خلي معظم كربوهيدراتك من الخضروات و البقوليات و الفاكهة و لو ﻻبد نشويات خليها قليلة جدا
و لما تتمكن من كده قل لي و حأقولك نعمل إيه علشان تحسن اﻷرقام أحسن...